Liga e dyte

Kryesia e Sllogës do të shpërblejë lojtarët

Tani kur gjenden në pozitën e parë të renditjes tabelore në Ligën e dytë në futboll, kryesia e Sllogës ka vendosur që t'i shpërblejë lojtarët, nëse në dy ndeshjet e ardhshme arrijnë fitore dhe shpallen kampion vjeshtor. "Nëse në dy xhirot e ardhshme ndaj Ohrit në Çair dhe Vardar D. në Negotinë lojtarët fitojnë 6 pikë dhe ruajnë pozitën e parë me siguri se do të shpërblehen. Kushtet financiare në klub po përmirësohen dhe me siguri se në sezonin pranveror do të jetë ndryshe. Jemi të kënaqur nga rezultatet e deritanishme dhe lojën që po e tregojnë këta djem të rinj, ndërsa besoj se edhe publiku është i kënaqur me lojën e ekipit të tyre", pohoi drejtori sportiv i Slloga JM, Nexhat Shabani. Ndryshe, Shabani paralajmëroi se janë duke pritur që të përfundojë sezoni vjeshtor dhe më pas do të vendoset për planet e klubit për sezonin pranveror. "Jemi të orientuar që këtë sezon të rikthehemi në Ligën e parë. Deri më tani punët po ecin mirë. Pas përfundimit të pjesës së parë të kampionatit, së bashku me kryetarin e klubit dhe stafin teknik do të shohim se çka na nevojitet. Aktualisht kemi diku rreth 20 lojtarë me kualitet të njëjtë. Problemet me të cilat janë ballafaquar trajnerët sa i përket lëndimeve thënë të drejtën nuk janë vërejtur shumë, pasi kemi pasur zëvendësime adekuate. Mirëpo, duke marrë parasysh se në sezonin pranveror na presin ndeshje të vështira, na nevojiten përforcime, por thash edhe më herët se për këtë do të vendosim me kryetarin dhe stafin teknik. Nëse vendosim të përforcohemi, atëherë në ekip do të blejmë ose në formë të huazimit do të sjellim lojtarë me kualitete të larta", deklaroi Nexhat Shabani.

shkendija do te behet e para100% i sigurt jam une

Eurogol i Argjend Beqirit

Pos golit të Beqirit, për Shkëndijën shënuan edhe Sallai, Idrizi dhe Kleçkarovski, ndërkohë nderin e ekipit të Sllogës e ruajti Burim Guxhufi

Ndeshja miqësore që u zhvillua të martën në Çair ndërmjet Slloga J. dhe Shkëndijës, i ka takuar "kuqezinjve" nga Tetova të cilët arritën fitore të thellë me rezultat 1-4. Edhe trajneri i Sllogës, Mensur Nexhipi edhe ai i Shkëndijës Uran Ymeri në pjesën e parë u paraqitën me formacionin më të mirë, kurse në të dytën në lojë inkuadruan komplet 11 lojtar të rinj. Pjesa e parë përfundoi me rezultatin minimal 0-1, me eurogolin e sulmuesit të Shkëndijës, Argjend Beqiri, i cili mposhti nga 20 metra portierin Blerim Guxhufi. Në pjesën e dytë gol shënon Mumin Sallai, ndërkohë Burim Guxhufi ul epërsinë në 1:2. Mirëpo, ajo ishte e tëra që arritën ta bëjnë "pëllumbat". Në 3-1 ekipin e Shkëndijës e kalon sulmuesi Mensur Idrizi, ndërsa rezultatin përfundimtar 4-1 e realizon Kleçkarovski. Ndihmëstrajneri i Shkëndijës, Ibraim Luma theksoi se kjo ndeshje lojtarëve të tyre i ka shërbyer si parapërgatitje për ballafaqimin me Pelisterin në kuadër të Kupës së Maqedonisë. "Kjo ndeshja na shërbeu për t'u përgatitur sa më mirë për takimin e ardhshëm ndaj Pelisterit në kuadër të çerekfinales së Kupës së Maqedonisë. Rezultati ka qenë në rend të dytë, ndërsa në përgjithësi jemi të kënaqur me lojën ndaj Sllogës", deklaroi Luma.

Të mërkurën miqësore me Dritën

Ekipi i Shkëndijës vazhdon me ndeshjet miqësore. Me fillim në ora 13, "kuqezinjtë" të mërkurën (sot) në Bogovinë do të takohen me ekipin nikoqir, Drita. Njëjtë sikurse ndeshja me Sllogën, ekipit të Shkëndijës do t'i shërbejë si parapërgatitje për ndeshjen me Pelisterin.

Tabela pas perfundit te javes së 15

1.Slloga J. 32
2.Teteks. 31
3.Bellasica 31
4.Bregallnica2008 27
5.Drita 27
6.Llokomotiva 26
7.Shkendija 24
8.Ohrid2004 23
9.Miravci 22
10.Cementarnica55. 18
11.Skopje 16
12.Kozhuf 15
13.Nov Milenium 12
14.Novaci 9
15.Vardar Dekamel 9
16.Maxhari Solidarnost 9