PESHORJA (23/09 - 23/10)

E PËRGJITHSHMJA
Ky vit do të shërbejë më tepër për të gjetur pikat e duhura nga ku do të niseni për të bërë një sipërmarrje të nevojshme. Do të bëni ndryshime të nevojshme dhe pozitive për sa i përket çështjeve tuaja familjare, si blerja e një shtëpie ose ridekorimi i saj. Kjo do të jetë më e favorshme gjatë pranverës atëherë kur planetet do të pozicionohen në shenjën tuaj. Periudha e verës do të jetë mjaft pozitive për të lindurit në shjetëditëshin e parë. Një manifestim i vlerave tuaja reale dhe gjithçka do të jetë pozitive për ju. Një person i rëndësishëm jo vetëm do të hyjë në jetën tuaj, por edhe do të ndihmojë për të gjetur qetësinë e nevojshme shpirtërore dhe familjare. 2008-ta është një vit që do përqëndroheni më shumë në çështjen e sigurisë së jetën tuaj. Në jetën personale do arrini në një pikë ku do zyrtarizoni situatat për t’u ndier më të sigurtë. E sigurtë është që 2008-ta nuk është një vit shplodhës dhe sa më shpejtë t’a kuptoni aq më mirë do ecin gjërat.



KARRIERA
Ndryshimet do të vijnë tek ju në mënyrë të menjëhershme. Nënshkrime të reja ose nisja e një pune mjaft frytdhënëse, do të jetë ajo çka do të karakterizojë pjesën e parë të vitit. Edhe pse do të ndiheni disi të mërzitur me punën aktuale, duhet të prisni momentin e duhur për të shprehur talentin tuaj. Dhe yjet ju favorizojnë gjatë fundit të verës, ndaj edhe pak durim. Tregohuni të hapur me ata persona që kërkojnë ndihmë prej jush, pasi ky do të jetë vetëm fillimi i një mundësie të mirë në çështje të ardhurash. Bizneset do të jenë të favorizuara gjatë periudhës së vjeshtës, më tepër do të rekomandohen blerjet gjatë kësaj periudhe. Bëni kujdes nga bashkëpunimet me persona të panjohur të cilat mund t’ju çojnë edhe drejt një humbje. Ata që kanë profesion komunikimin dhe teknikën, do të jenë të përkëdhelurit e yjeve gjatë pjesës së dytë të vitit.



DASHURIA
Do t’ju karakterizojë dëshira për të patur një lidhje të qëndrueshme, dhe pse jo për të ndërtuar një familje me personin e zemrës. Çështjet sentimentale duken mirë sepse nuk do keni supriza jo të këndëshme. Është shumë pozitiv fakti që do vazhdoni të gjendeni mbi re dhe që do të donit zhvillime të mëtejshme Gjatë pjesës së parë të vitit do të karakterizoheni nga dëshira për të patur pranë një person të fortë tek i cili të mbështeteni, por kjo jo gjithmonë është në favorin tuaj. Ndaj yjet gjatë këtij viti ju këshillojnë të jeni me këmbë në tokë dhe të merrni më tepër përgjegjësi mbi vete. Pranojini ftesat që mund t’ju vijnë gjatë periudhës së verës pasi do të jenë joshëse dhe me vazhdimësi. Për ata që mendojnë të celebrojnë lidhjen e tyre, do të jetë e këshillueshme të zgjidhet fundi i këtij viti. Disa momente romantike do të mund të gjeni gjatë periudhës së vjeshtës, sidomos ata që janë shkëputur nga një lidhje e gjatë e vitit të kaluar. Mundohuni t’i merrni gjërat me qetësi dhe të mos përsërisni të njëjtat gabime, por edhe të ndryshoni sjellje. Fëmijët gjithashtu do të luajnë një rol të rëndësishëm në ndryshimin e rrjedhës së këtij viti. Për shumë prej jush, lindja e një fëmije do të jetë e favorizuar.