DEMI (21/04 - 20/05)

E PËRGJITHSHME
Praktik dhe me këmbë në tokë paraqiteni ju të shenjës së Demit në periudhën e vitit 2008. Duhet të punoni më tepër gjatë 2008-ës, për të siguruar të ardhurat që ju nevojiten. Duhet t’u jepni rëndësi zgjedhjeve tuaja në momentin që do të merrni vendime të rëndësishme gjatë këtij viti. Duke pasur si avantazh realizimin e dëshirave tuaja, përpjekja që do të bëni do të sjellë dhe eksperienca të reja për ju. Ju duhet të rriteni profesionalisht, duke bërë kualifikime të ndryshme këtë vit. Në 2008-ën duhet të çliroheni nga disa situata të vështira dhe të zgjeroheni në eksperienca të reja. Me fillimin e vitit futeni me dinamizëm në “vallen” e zhvillimeve që i përkasin çështjeve profesionale dhe ekonomike. Këtë vit do të zgjeroni horizontin tuaj duke krijuar lidhje të reja dhe duke lënë pas pikëpyetje dhe probleme. Është një vit i mirë për të zbuluar realisht veten tuaj. Mos prisni çudira, por gjithsesi do ndjeni kënaqësi. Muajt e fundit janë periudha më e mirë për të shfrytëzuar shanset që ju jepen.Për njerëzit e prirur në fushën e artit është e mundur që të kenë një krijim i cili do të ngelet si një hit në vazhdimësi. Ju mund të bëheni shumë të famshëm vetëm në qoftë se do t’i ndiqni me rigorozitet principet tuaja të punës.

KARRIERA
Do të harxhoni shumë kohë duke u marrë me idetë tuaja krijuese dhe duke ndihmuar të tjerët. Kjo do t’ju sjellë juve shumë rritje financiare dhe sukses në karrierën tuaj. Fillimi i vitit parashikohet mjaft i rëndësishëm dhe njëkohësisht dinamik. Muaji shkurt që është dhe muaji i eklipseve, ndikon në fushën e njohjeve dhe të famës në nivel të lartë. Mos u nxitoni në vendimet tuaja, ky muaj ju fton të punoni me ritëm për projektet e ardhshme që me sa duket ju drejton në ditët më të mira. Nuk është periudhë negative përkundrazi do sqarohen disa situata në favorin tuaj. Ka shumë mundësi të bëni një udhëtim jashtë shtetit. Mbani ekuilibrin tuaj dhe mos u stresoni për gjëra të vogla. Do të ndikoheni emocionalisht dhe zgjerimi i ideve tuaja do t’ju bëjë më human.Do të gjeni burimin e ideve tuaja të cilat do t’ju vijnë në ndihmë dhe do të shërbejnë për persona të tjerë. Në fillim të vitit do ndjeni nevojën për të punuar akoma më tepër. Në përgjithësi profesionalisht do ndjeni përmirësime. Nga Marsi dhe për dy muajt e tjerë mund të bëni lëvizje komunikuese dhe ndoshta në Prill një kontratë të rëndësishme fitimprurëse. Në platformën e liderit ju do të jeni dhe si një mësues për të tjerët me suksesin tuaj. Në periudhën e fundvitit ju do të kërkoni një shpërblim për gjithçka keni dhënë nga vetja juaj. Kjo do t’ju mundësojë të keni një pozicion të sigurtë në anën financiare.

DASHURIA
Këtë vit ju mund të gjendeni të tërhequr nga një person i cili punon së bashku me ju. Natyra juaj pasionante do të tërheqë dikë i cili i pëlqen vlerat e tuaja dhe ka një fokus të thellë në karrierën e tij. Kalojeni kohën e lirë me të dhe ndani së bashku ato aktivitete të cilat ju afrojnë më tepër. Çdo gjë që do të bëni bashkë do t’ju lejojë të jeni të lirshëm me njëri-tjetrin dhe me kalimin e kohës do të ndieni nevojën e njëri-tjetrit. Lëvizjet në fushën sentimentale kërkojnë mjaft seriozitet. Në vija të përgjithshme do keni shanse për njohje të reja dhe më tepër në muajin Mars. Tani keni prespektivë në të gjitha fushat e jetës. Ky muaj duket mjaft erotik dhe mund të fiksoni lidhjen tuaj. Në Gusht do jeni të favorizuar për zgjerimin e interesave erotike. Disa lëkundje do ndjehen këtë muaj në jetën tuaj erotike. Gjatë gjithë muajit do ndjeni nevojë të theksuar për të përfunduar planet tuaja përderisa disa gjëra ndryshojnë dhe ju detyrojnë të lëvizni në këtë mënyrë dhe në dymujorin e fundit të vitit duhet të tregoni kujdes që të mos gjendeni të implikuar. Kujtoni që 2008-ta për ju ka dinamikën për njohjen e partnerit me të cilin do të kaloni gjithë jetën tuaj.